Obra >O Mar habitado

2023

(…) O grupo escultórico, composto por catro figuras en aceiro naval, material común na construcción mariña, ubícase nun contexto con sabor a mar e ten en conta non só a dimensión urbanística e espacial específica que o acolle, senón tamén a carga cultural do entorno, inscrita na hermenéutica do mundo mariñeiro e da súa xente traballadora, mulleres e homes que construiron o simbólico horizonte dunha identidade que, desde fai séculos, conflue na ría e porto de Vigo, espolón universal dunha mitoloxía que nos lembrou o mismísimo Julio Verne desde o Nautilus de Nemo . As figuras, ao confrontar o vacío interior -expresión da súa inmaterialidade e dun rictus tan emocional como espiritual- e a materia, debuxan o ar do espacio ao xeito dunha serpentina multiforme, ofrecendo diferentes puntos de vista e mesmo evocando as siluetas fragmentadas de barcos navegando: rompen o estatismo e tentan sumerxirnos no presente continuo, percorrido interior dunha fabulada e críptica singladura sen límites que une o pasado e o futuro da épica que construe cada día a xente do mar.

X. Antón Castro. Pontevedra, 2023.